Am

Cymdeithas Eryri sy’n gofalu am Tŷ Hyll. Mae pwy adeiladodd y tŷ a phryd yn parhau’n ddirgelwch. Cartref i dŷ te bendigedig gyda gardd naturiol yn derbyn gofal gan grŵp o wirfoddolwyr. 

O fewn Tŷ Hyll, sy’n fwthyn carreg dymunol, mae Tŷ Te’r Pot Mêl. Mae’r tŷ te yn boblogaidd gyda phobl leol a thwristiaid ac yn paratoi bwyd cartref yn defnyddio cynnyrch lleol. Mwynhewch Fara Brith cartref, mewn bwthyn Cymreig traddodiadol. I losgi’r calorïau, archwiliwch yr ardd bywyd gwyllt a’r coetir sy’n amgylchynu’r Tŷ.

Mae’r gerddi bywyd gwyllt a’r coetir yn agored drwy gydol y flwyddyn. Fodd bynnag, mae’r Tŷ Te Pot Mêl yn cau o ddiwedd mis Hydref tan fis Mawrth. Gallwch gysylltu â’r Tŷ Te Pot Mêl drwy ffonio 01492 642322.

Prif reswm cael gwirfoddolwyr yn y Tŷ Hyll yw i ofalu am natur, yn arbennig y gwenyn mêl. Wrth i chi gerdded yn y coetir, byddwch yn dod ar draws llawer o gychod gwenyn. I helpu gwaith y gwirfoddolwyr, mae yna blanhigion cyfeillgar i wenyn yno i’w prynu.