Am

Wedi ei leoli ym Mae Colwyn, gyda hanner can erw o barcdir prydferth, Parc Eirias ydi prif gyfleuster hamdden Conwy. Mae’r cyfleusterau dan do yn cynnwys pwll nofio chwe lôn 25 medr gyda gwahanol nodweddion dŵr a sleid ddŵr ar wahân, yn ogystal ag ystafell ffitrwydd. Mae Canolfan Ddigwyddiadau Eirias yn cynnig cyfleusterau o ansawdd uchel ac yn cynnal amrywiaeth o ddigwyddiadau cerddorol a chwaraeon trwy gydol y flwyddyn. Mae’r cyfleusterau awyr agored yn cynnwys arena athletau efo prif stand a chae chwarae synthetig gyda llifoleuadau ar gyfer hoci/pêl-droed. At hyn mae yna gyrtiau tennis dan do a’r tu allan.